Milliy qadriyatlar · Xalqaro ta'lim
Bolalarni erta yoshdan tibbiyotga tayyorlaydigan yangi formatdagi tibbiy maktab. 5-sinfdan kimyo, biologiya va ingliz tili chuqur o'qitiladi, fundamental tibbiy fanlar esa shifokorlik kasbiga yillar oldin tayyorlaydi.
Maqsadimiz
Euromed maktabi milliy qadriyatlar va xalqaro ta'lim tizimi uyg'unlashgan yangi formatdagi tibbiy maktab. Bu yerda asosiy e'tibor o'quvchilarni erta yoshdan tibbiyotga tayyorlashga qaratilgan.
Maktabda nafaqat kimyo va biologiya chuqur o'rganiladi, balki tibbiy fundamental fanlar ham o'qitiladi. Shu tariqa o'quvchi shifokorlik kasbiga yillar oldin tayyorlana boshlaydi.
Tarbiya, madaniyat va o'zaro hurmat asosidagi ta'lim.
Jahon talablariga mos zamonaviy o'quv tizimi.
Fundamental tibbiy bilimlar 5-sinfdan boshlab.
Nega aynan biz?
Har bir ustunlik o'quvchining tibbiyotdagi muvaffaqiyati uchun o'ylangan tizimning bir bo'lagi.
Maktabimiz dress-kodi oq xalatlar. O'quvchilar birinchi kundan boshlab shifokorlik muhitiga sho'ng'iydi. Oq xalat tibbiyotga hurmat, intizom va mas'uliyat ramzi bo'lib, kelajak kasbiga ichki tayyorgarlikni shakllantiradi.
O'quvchilar 5-sinfdan boshlab kimyo, biologiya va ingliz tilini chuqurlashtirilgan tarzda o'rganadi. Erta boshlangan tayyorgarlik kelajakdagi natijaning mustahkam poydevorini yaratadi.
Maktabda maxsus tibbiy kurslar tashkil etilgan. O'quvchi institutga kirmasdan ancha oldin kasb mohiyatini his eta boshlaydi.
Kichik sinf o'qituvchiga har bir o'quvchi bilan individual ishlash va o'zlashtirishini diqqat bilan kuzatish imkonini beradi. Hech kim e'tibordan chetda qolmaydi.
Sinfxonalar barcha fanlarni qulay va xavfsiz sharoitda o'zlashtirish imkonini beradi. Qulay muhit diqqatni jamlashga yordam beradi.
Har bir o'quvchi uchun to'liq tushlik tashkil etiladi. Intensiv o'qish kunida to'g'ri ovqatlanish energiya, diqqat va sog'liq uchun zarur shart.
Aniq tuzilgan jadval vaqtdan unumli foydalanish va o'quv materialini chuqur o'zlashtirishni ta'minlaydi. Bola charchamasdan ko'proq bilim oladi.
Nazariy bilim darhol amaliyot bilan mustahkamlanadi. Tushunchalar uzoq esda qoladi va o'quvchi haqiqiy tadqiqotchi ko'nikmalarini egallaydi.
Har oy oxirida grant imtihonlari o'tkaziladi. Natijaga ko'ra o'quvchi keyingi oy uchun 100% gacha grant olishi mumkin.
Yaxshi o'zlashtirgan o'quvchilar stipendiya olishi mumkin. U sog'lom raqobat va yutuqqa intilish ruhini shakllantiradi.
Maktabda telefondan foydalanish qat'iyan taqiqlangan. Har bir o'quvchiga o'quv materiallari joylangan planshet beriladi, sinf kuratorlari uni muntazam tekshiradi.
O'quvchining psixologik holati maktabning shtatdagi psixologi tomonidan muntazam qabul tizimi orqali nazoratda bo'ladi, ayniqsa o'smirlik davrida.
Boshqalarga hurmat birinchi o'rinda turadi, o'qituvchilarning o'zi namuna bo'ladi. Biz nafaqat bilimli, balki yuksak axloqli shaxsni voyaga yetkazamiz.
Tajribali o'qituvchilarimiz yaratgan darsliklar davlat darsliklari bilan birga qo'llaniladi. Murakkab mavzular sodda va tushunarli tarzda yetkaziladi.
O'qitishda asosiy e'tibor milliy va xalqaro sertifikatlar olishga qaratilgan. Ular O'zbekiston va xorij oliygohlari eshiklarini ochadi.
Osiyo, Rossiya, Belarus va Yevropaning 60 dan ortiq tibbiyot instituti bilan kelishuv va memorandumlar imzolangan. Bu xorijda ham kafolatlangan o'qishga kirish imkonini beradi.
2026 / 2027 o'quv yili
Joriy o'quv yili uchun rejalashtirilgan sinflar. Joylar soni cheklangan.
Jami 10 ta sinf. Joylar soni cheklangan, o'rningizni oldindan band qiling.
Sinf yuqorilagan sari ixtisoslik fanlari, ya'ni kimyo va biologiya soatlari ortib boradi.
| Fan | 5 | 6 | 7 | 8 | 9 | 10 | 11 |
|---|---|---|---|---|---|---|---|
| Kimyo | 5 | 5 | 8 | 8 | 10 | 10 | 10 |
| Biologiya | 6 | 6 | 8 | 8 | 10 | 10 | 10 |
| Matematika | 5 | 5 | 5 | 5 | 5 | 5 | 5 |
| Ingliz tili | 5 | 5 | 5 | 5 | 3 | 3 | 3 |
| Rus tili | 2 | 2 | 2 | 2 | 2 | 2 | 2 |
| Med kurs | 1 | 1 | 1 | 1 | 1 | 1 | 1 |
Soatlar haftasiga. 11-sinfda e'tibor kimyo va biologiyaga maksimal qaratiladi.
Metodika
Biz sertifikat uchun emas, bilim uchun o'qitamiz. Quyida har bir asosiy yo'nalish metodikasi.
Kimyo
Kimyo kursi 3 bosqichga bo'lingan. Bu fanni bosqichma-bosqich, oson o'zlashtirishni ta'minlaydi. Materiallar davlat dasturi asosida tayyorlangan.
Butun material yengil test va masalalar bilan. Nazariyaga urg'u, darslar laboratoriyada o'tadi.
Test va masalalar murakkablashadi. O'quvchi bilimni amaliyotda mustahkamlaydi.
Murakkab, asosan sertifikat imtihonlari masalalari yechiladi.
Noldan to'liq kurs: 10 oy. Biz bilim berishga urg'u beramiz, faqat sertifikatga emas. Bunday yondashuv olimpiadalarda ham yuqori natija beradi.
Biologiya
Biologiyani davlat darsliklari asosida testlar yechish orqali o'qitamiz. O'quvchi mavzuni tushunsa, testni bemalol yechadi. Faqat yodlab olgan o'quvchi uchun testlar qiyinlashadi va xatolar ko'payadi.
Deduktiv fikrlash. Mavzu bo'yicha test yechish o'quvchining mantiqiy va deduktiv fikrlashini rivojlantiradi.
Med kurs
Dastur uch tsikldan iborat. O'quvchilar fundamental tibbiy bilimlar bilan tanishadi. Boshqalar hali profil fanlarni tushunmoqchi bo'lganda, bizning o'quvchilarimiz kasbga tayyor bo'ladi.
Inson tanasi tuzilishi va organlar tizimi bilan tanishuv.
Tibbiyot tili: atamalar va asosiy tushunchalar negizi.
Tibbiyot asoslari va birinchi tibbiy yordam ko'nikmalari.
Euromed School
Maktab va uning g'oyalari haqida yangiliklarni Dilshod Aminovning sahifasida kuzatib borishingiz mumkin.
Instagram: @dilshod_euromedKelajak shifokorlari shu yerda boshlanadi
Joylar soni cheklangan. Farzandingizning tibbiyotdagi yo'lini bugun boshlang.
